Әлеуметтік жауапкершілік
Экономикалық, экологиялық және әлеуметтік жауапкершілік қағидалары бойынша біз адамдардың өмір сүру сапасын жақсартуға және қазіргі және болашақ ұрпақтардың тіршілік етуіне қаражаттар көздерін көбейтуге ұмтыламыз. Біздің мақсатымыз – жаңартылып жатқан энергия көздерінің қолжетімділігін арттыру, мобильділікті анағұрлым қауіпсіз, экологиялы және үнемді ету, сондай-ақ барлық қызмет бағыттары бойынша экологиялы өнімдерді әзірлеу.
Тұрақты дамудың айқын стратегиясы
Bosch-тың тұрақты даму стратегиясы қызметтің барлық саласында нақты мақсаттарға негізделген. Көп жылдар бойы осы мақсаттарды жүзеге асыру жолында жұмыс істеп келеміз.
Тұрақты даму деп көбінесе экономикалық, экологиялық және әлеуметтік аспектілердің тепе-теңдігін түсінеді. Сонымен бірге, тұрақты даму ESG (Environment, Social, Governance — қоршаған ортаны қорғау, әлеуметтік қамсыздандыру, басқару) аббревиатурасымен капитал нарықтарындағы ресми тұжырымдамаға айналды. Біздің тұрақты дамуды кешенді түсінуіміз екі тәсілдемені де қамтиды. Ол біздің тұрақты дамуды басқару жүйемізді қалыптастырады, барлық деңгейлерде айқын бағдарлауды қамтамасыз етеді және біздің іс-әрекеттеріміздің тиімділігіне кепілдік береді. Үнемділік, экологиялылық және әлеуметтік жауапкершілік принциптеріне сәйкес біз адамдардың өмір сүру сапасын жақсартуға және қазіргі және болашақ ұрпақ үшін тіршілік көздерін сақтауға ұмтыламыз.
Біздің «Жаңа салалар – тұрақты даму 2025» стратегиямыз осы мақсаттарға жетудің анық мерзімдерін белгілейді. Біздің компаниямызға әсерін тигізетін мегатрендтерге, және кәсіпорын үшін маңыздылықты талдауға негізделген бұл мақсаттар жуықтағы жылдарға біздің қызметіміздің негізін қалайды.
Біздің құндылықтар — қызметіміздің негізі
Bosch компаниясы құндылықтарға бейімділікке әрқашан ерекше көңіл бөледі. Олар біздің бизнес жүргізу қағидаттарымызды көрсетеді: ол іскерлік серіктестермен, инвесторлармен, қызметкерлермен және қоғаммен қарым-қатынастағы кәсіби әдеп.
Болашаққа ұмтылу және нәтижеге бағытталу
Біздің іс-әрекеттеріміз компанияның өркендеуіне ең жақсы жолға кепілдік беретін нәтижеге бағыттаушы болып табылады. Бұл әлеуметтік бастамалардың, жобалардың және қайырымдылық қорының жұмысының негізіне айналады.
Жауапкершілік және тұрақты даму
Біз әрқашан қоғам мен қоршаған орта алдындағы жауапкершілікті сезіне отырып, олардың игілігі үшін саналы түрде әрекет етеміз.
Бастама және шешімділік
Біз өз қызметіміз үшін жауапкершілікті сезіне отырып, өз бастамамыз бойынша іс-әрекеттерді жүзеге асырамыз және мақсаттарға қол жеткізуде бірізділікті сақтаймыз.
Ашықтық және сенім
Біз нық сенімді негізде ынтымақтасамыз және қарым-қатынас құрамыз, сөйлесеміз және ойларымызбен ашық және шынайы бөлісеміз.
Әділдік және құрмет
Әріптестер мен іскер серіктестерге деген адалдық пен құрмет біздің корпоративтік табысымыздың негізгі көзі болып табылады.
Сенімділік, шынайылық, заңдылық
Біз тек орындай алатын нәрселерге уәде береміз, келісімдер міндетті түрде қабылдануы керек, заңды құрметтеу және қатаң сақтау – бұл біздің барлық іскерлік операцияларымыздың бұзылмайтын ережесі.
Әртүрлілік, теңдік, инклюзивтілік
Біз әртүрлілікті, теңдік пен инклюзивтілікті құптаймыз, бағалаймыз және көтермелейміз, мұны біздің бизнесіміздің алға жылжуы ғана емес, сонымен қатар табысымыз бен өркендеуіміздің кепілі деп санаймыз.
Ұзақ мерзімді келешекте бизнес жүргізуге адал және әділ көзқарас әрқашан бір сәттік пайдадан маңыздырақ болады
Нормативтік-құқықтық сәйкестік — тек компания деңгейінде емес
Нормативтік-құқықтық сәйкестік заңнама талаптарына да, компания принциптеріне де қатысты. Bosch-та бұл корпоративтік құндылықтар жүйесінің ажырамас бөлігі. Сол үшін біз жаһандық деңгейде әрекет ететін Mінез-құлық кодексінде заңнама талаптары мен этика нормалары бойынша өз ұстанымымызды дәл анықтадық. Bosch құндылықтарымен бірге, біздің ойымызша, ол компанияның табысты бизнес-қызметінің іргетасын қалайды. Жауапкершілік пен заңдарды сақтау компаниядан тыс жерде де маңызды болғандықтан, біз іскерлік серіктестерімізден күтетіндерімізді тиісті Мінез-құлық кодексінде тұжырымдадық.
Нормативтік-құқықтық сәйкестікті басқарудың корпоративтік жүйесі
Bosch нормативтік-құқықтық сәйкестікті басқару жүйесі жаһандық ауқымда құқықтық және этикалық нормаларға сәйкес келетін мінез-құлықты көтермелеудің міндетті негізін қамтамасыз етеді және заңнама мен мінез-құлық нормаларын бұзу тәуекелдерін азайтады. Ол сыртқы және ішкі талаптарды тиімді іске асыру үшін негіз қалыптастырады, сондай-ақ құқықтық және этикалық нормаларды сақтау үшін маңызды процестерге қойылатын минималды талаптарды айқындайды. Оларға алдын-алу және бақылау бойынша әртүрлі шаралар, сондай-ақ Bosch мәлімдеушілерінің корпоративті жүйесі кіреді. Қызметкерлер, іскерлік серіктестер және үшінші тұлғалар бұл жүйені заңның және этикалық нормалардың бұзылғаны туралы мәлімдеу үшін кез-келген уақытта, соның ішінде аты жасырын күйде қолдана алады.
Жиі қойылатын сұрақтар
Комплаенс дегеніміз заң талаптары мен компанияынң ішкі ережелерін сақтау. Басқаша айтқанда, Bosch компаниялар тобының және оның қызметкерлерінің барлық қызметі барлық заңнамалық талаптарға, Mінез-құлық кодексінің ережелеріне және барлық орынды директивалар мен стандарттарға (Комплаенс талаптары) сәйкес келуі тиіс.
Комплаенс талаптарын бұзу - бұл барлығына тікелей немесе жанама қатысты мәселе, өйткені, бір жағынан, заң бұзушылықтар, олардың ауырлығына қарай, қылмыстық қудалауға әкелуі мүмкін. Екінші жағынан, комплаенс талаптарын бұзу компанияға материалдық зиян келтіруі мүмкін, сонымен қатар оның беделіне нұқсан келтіруі мүмкін. Нәтижесі – компания қызметі тиімділігінің нашарлауы, демек, оның дамуына нұқсан келтіру. Bosch және үшінші тараптар арасындағы қарым-қатынастар да с комплаенске байланысты: Bosch компаниясы оларды бұзуға қатыстырылмауы тиіс.
Bosch әрбір қызметкері мен бизнес серіктесі комплаенс талаптарының ықтимал бұзушылықтары туралы хабарлауға және осылайша мұндай бұзушылықтардың салдарын азайтуға және болашақта мұндай бұзушылықтардың алдын алуға шақырылады. Бұл іскерлік серіктестер мен үшінші тұлғаларға да қатысты.
• кез келген қызметкер, оның ішінде тағылымгерлер мен аспиранттар
• штаттан тыс қызметкерлер, оның ішінде жалдамалы жұмысшылар мен сервистік компаниялардың қызметкерлері
• кез келген бизнес серіктес, мысалы, жеткізуші, клиент немесе бірлескен кәсіпорын қатысушысы
• кез келген үшінші тұлға.
Ұрлық, алаяқтық, парақорлық сияқты құқық бұзушылықтарды немесе сапа/қауіпсіздік стандарттарын немесе Mінез-құлық кодексін қасақана және ұзақ уақыт бұзу сияқты заңнамалық немесе ішкі корпоративтік нормаларды жүйелі түрде бұзуды көрсететін з оқиғалар туралы хабарлау өте маңызды.
Иә. Комплаенс-офицерлер тергеу жүргізуге, сотта пайдаланылатын дәлелдемелерді жинауға және кез келген қажетті сот ісін қарауды бастауға жауапты. Олар қажетті біліктілігі мен тиісті өкілеттігі бар бейінді бөлімдер мамандарын тарта алады.
Комплаенс талаптарының ықтимал бұзушылықтары туралы өз білімдері шамасына қарай және адалдықпен хабарлаған адамдар сол хабарлау салдарынан компанияның тарапынан қысым көрсетілуден қорықпауы керек.
Иә, бұзушылықтар туралы хабарламаларды Bosch компаниясының комплаенс мәселелері бойынша жедел желісі арқылы аты-жөнін көрсетпей хабарлауға болады. Жедел желі аясында сіз жауапты комплаенс-офицерімен жасырын қатынасу үшін қорғалған пошта жәшігін аша аласыз.
Комплаенс-офицер хабарламада сипатталған жағдайдың тергелуін және тиісті шаралардың қабылдануын қамтамасыз етуге жауапты (қажет болған жағдайда, Bosch бейінді бөлімшелерінің немесе сыртқы мамандардың қолдауымен).
Ықтимал бұзушылық туралы әрбір хабарлама мен қабылданған шаралар комплаенс-офицермен құжатталуы тиіс. Шағымданушы тартылған тараптардың заңды мүдделерін ескере отырып, тергеудің жай-күйі туралы хабардар етілуі мүмкін. Егер тергеу елеулі дәлелдемелердің жеткіліксіздігіне байланысты тоқтатылған болса, бұл туралы айыпталған тұлға өзінен тергеу барысында жауап алынған жағдайда немесе оның өзі тергеу барысы туралы хабардар етуді өтінген жағдайда хабарланады.
Комплаенс талаптарының ықтимал бұзушылықтары туралы кез келген хабарлама әдетте дербес деректердің ашылуына әкеп соғады. Ықтимал бұзушылықтар туралы хабарламаларды алу және өңдеу шағымданушының Деректерді қорғау туралы ережемен таныс екенін және одан әрі тергеу барысында оның дербес деректерін пайдалануға келісімін бергенін растауды қарастырады. Жасырын хабарлама жағдайында бұл ереже қолданылмайды.
Bosch-пен байланысу
Сіздің сұрауыңызды асыға күтеміз
