1906-1925 жж.: жаһандану және жаңа бастама

Нью-Йорктегі Bosch сауда өкілдігі, 1908 ж.

Жас компанияның қарқынды өсуі Бірінші дүниежүзілік соғыстың басталуымен үзілді. Оның салдарын жеңу үшін Bosch өз қызметін өзгертуге мәжбүр болды.

1947-ші жыл көрсетілген Нью-Йорктағы Bosch зауытының мекенжайы жазылған мөртабанның суреті.

АҚШ-та ашылу - Атлант мұхитын кесіп өту

АҚШ-та барлығы 1906 жылы Bosch компаниясына миллиондаған доллар әкелген және бір жылдың ішінде сатылымдарды екі есе арттырған магнетодан оталдыру жүйелеріне арналған газет жарнамаларынан басталды. Америка Құрама Штаттарындағы бизнестің сәтті болғаны соншалық, 1912 жылы Bosch компаниясы Массачусетс штатындағы Спрингфилдтегі өз зауытында магнетодан оталдыру өндірісін бастады.

Bosch магнетодан оталдыру жүйесі Америка Құрама Штаттарында да пайда болды. Дәл осы 1906 жылғы жарнама Bosch коммерциялық табысының бастауын белгіледі.

Нью-Йорктегі Bosch сауда өкілдігі, 1908 ж. Чикаго қаласындағы филиалдан басқа, 1909 жылы Сан-Францискода және 1910 жылы Детройтта тағы екі филиал құрылды.

88 пайыз – жаһанданудың нәтижесі

Шамамен 1910 жылы Bosch компаниясы барлық континенттерде ұсынылды. Ұлыбританияда автомобильдердің 90 пайыздан астамы Bosch магнетодан оталдыру жүйелерімен жабдықталған болатын.

Америка Құрама Штаттарынан басқа, Bosch компаниясы бүкіл әлем бойынша басқа сату нарықтарын іздей бастады. 1906 жылы Оңтүстік Африкада, 1907 жылы Австралияда, 1908 жылы Аргентинада, 1909 жылы Қытайда және 1911 жылы Жапонияда сауда өкілдіктерінің ашылуымен Bosch өкілдіктерінің желісі барлық континенттерді қамтыды. 1913 жылы Германиядан тыс жерлердегі сатылымдар жалпы сатылым дар көлемінің 88% құрады.

Жаңа өнімдер: жарықтандыру аспаптары, генераторлар мен стартерлер

Автомобильдер жолдардағы әдетті құбылысқа айналып, үлкен қауіпсіздікті талап ететін неғұрлым жоғары жылдамдықпен қозғалуды бастағанда, Bosch компаниясы 1913 және 1914 жылдары жаңа өнімдерді шығарды. «Bosch шырағдандары» – түнгі уақытта қауіпсіздікті қамтамасыз ететін фаралардан, генератордан, реттегіштен және аккумулятордан тұратын электрлік жарықтандыру жүйесінен басқа - сенімділікті арттыруға жаңа стартерлер ықпал етті.

Ресей империясының соңғы патшасына тиесілі Delaunay-Belleville автомобильдері Bosch шығарған жарықтандыру жүйесімен, оталдыру жүйесімен және электр стартермен жабдықталған.

Mercedes 10/25 HP автомобилінде генератормен, фаралармен және реттегішпен орнатылған Bosch автомобиль жарықтандыру жүйесі (шамамен 1913 ж.)

Бірінші дүниежүзілік соғыс

1914 жылы соғыс басталғаннан кейін Bosch компаниясы бастапқыда фаралар шығаруға арналған жаңа ғимаратта орналастырып, госпиталь ұйымдастырды.

1914 жылы Бірінші дүниежүзілік соғыстың басталуымен сыртқы нарықтармен жұмыс тоқтатылды, зерттеулер мен әзірлемелер үзілді, ал фабрикалар әскери мақсаттағы өнімдерді өндіруге бағытын өзгертті. Жұмысшылардың жартысына жуығы әскери қызметке шақырылып, олардың орнын әйелдер басты.

Bosch логотипі

Жаңа бастау — ешнәрсеге қарамастан

Бірінші дүниежүзілік соғыс кезінде компанияның сауда өкілдіктері мен сауда белгілері тәркіленді. Дегенмен, АҚШ-тағы Bosch компаниясы жарнама үшін танымал Bosch сауда белгілерін пайдалануды жалғастырды. Шатастыруды болдырмау үшін бас инженер Готтлоб Хонольд 1918 жылы тез арада шеңбердегі зәкірі бар жаңа сауда белгісін әзірледі, ол бүгінгі күнге дейін Bosch-пен тығыз байланысты.

Фото: Жаңа логотиптің нобайы (1918 ж.)

Жаңа бастау — ешнәрсеге қарамастан

1917 жылы соғыс аяқталғаннан кейін Robert Bosch AG атауы өзгертілген акционерлік қоғам үлкен қиындықтарға тап болды. Бәсекелестіктің күшеюі әлемдік нарыққа қайта оралуға кедергі келтірді, ал компанияның патенттері қайтарлыған болатын. Алайда компания жеңілмей, өзінің басты артықшылығы – инновацияларға зейін қойды.

1920 жылдары Фейербахтағы жарық жабдығы зауытында толық жылдамдықпен өндіріс және сынақтар өтіп жатты. Соғыс салдарынан компания жоғалтқан техникалық артықшылыққа тез ие болу керек болды.

Баяғы Fritz Egnell швед серіктесімен бірге 1921 жылы Bosch компаниясы Скандинавияда Bosch өнімдерін сату үшін Швецияда жаңа Ab Robo кәсіпорнын құрды.

Автомобильдің жаңа бөлшектері — шыны тазартқыштар мен гудок

Соғыс үзген іс-шаралар қайта жалғасты. Анағұрлым қарқынды жол қозғалысы кезіндегі қауіпсіздік Bosch зерттеушілері мен әзірлеушілері үшін қозғаушы күш болды. 1926 жылы өнімдер түжинағына мотоциклдер мен велосипедтерге арналған фаралар, Bosch гудогы, шыны тазартқыштар мен аккумулятордан жұмыс істейтін оталдыру қосылды.

Инженерлік бөлім ұсынған талғампаз дизайн және өте қатты сигнал - Bosch гудогы (1921 ж.)

Bosch жарықтандыру жүйесі автомобильдерде сәтті қолданылуы басталғаннан кейін компания 1920 жылдардың басында мотоциклдерге назар аударды, мысалы, 1921 жылы үнді брендінің осы өкілі секілді.

Жаңбыр кезінде жақсы көріну қауіпсіздікті қамтамасыз ету үшін өте маңызды болды. Bosch компаниясы 1926 жылы шыны тазартқышты жасау арқылы бұл туралы қамқорлық жасады.

Bosch Авто Сервис

Автосервиске арналған Bosch қолшамы ТҚС ерекше белгісі болды.

Бүкіл әлем бойынша клиенттерге стандарттандырылған қызмет көрсету

Бір стандарт бойынша жұмыс істейтін тәуелсіз техникалық қызмет көрсету станцияларының желісі жаңа идея емес еді. Мұндай желілер Амерка Құрама Штаттарында соғысқа дейін болған. 1921 жылы Германиядан тыс жерде Bosch компаниясы Bosch Авто Сервис ТҚС желісін іске қосты, олардың қарқынды дами бастағаны соншалық, 1930 жылға қарай 70 елде 2750 станция болды. Бұл ТҚС Bosch сауда маркасын бүкіл әлемге әйгілі етті.

Фото: Автосервиске арналған Bosch қолшамы ТҚС ерекше белгісі болды.

Үздіксіз конвейерлік желілер — конвейерлік өндіріс

Бірте-бірте бәсекелестердің Bosch сапасына жақындағаны және одан да тезірек және арзанырақ шығара бастағаны белгілі болды. Мұның себептерінің бірі 1925 жылдан бастап Bosch компаниясы да өз кәсіпорындарында кезең-кезеңімен енгізе бастаған құрастыру желілері болды. Бұрын магнетодан оталдыру бөлшекті жүйесін жасау үшін 50 күн қажет болса, конвейерлік желіде құрастыру тек бес күн алатын болды.