1946-1959 жж.: жаңа бастама және жаңғыру

Штутгарттағы Bosch бірінші фабрикасының қатты зақымдалған мұнарасы (1945 ж.)

Екінші дүниежүзілік соғыстың соңында Bosch компаниясы өзінің шетелдік филиалдарынан екінші рет айырылды. Зауыттардың көпшілігі қирап қалды. Келесі екі онжылдық компанияны қалпына келтіруге, сондай-ақ бизнестің жаңа бағыттарын дамытуға арналды.

Құрылыста жұмыс істеп жатқан жұмысшының суреті.

Қол арбалармен және күректермен - Bosch жаңғыруы

1945 жылға қарай Германиядағы Bosch зауыты қуаттарының 50%-дан астамы одақтастардың бомбалауынан жойылды. Компанияның әскери техниканы жеткізуші ретіндегі негізгі рөлі Bosch-ті стратегиялық мақсатқа айналдырды. Енді компанияға қирандыларды тазалап, жаңа өндірістер салып, жұмысшыларға жұмыс орындарын ашуы керек болды.

Кейбір қираулар соғыс аяқталғаннан кейін ұзақ уақыт бойы көрініп тұрды. Штутгарттағы Bosch бірінші фабрикасының қатты зақымдалған мұнарасы (1945 ж.).

Соғыс аяқталғаннан кейін бір жылдан соң Штутгарттағы қираған фабрикаладың көпшілігінде құрылыс жұмыстары жүргізілді (1945 ж.).

Бамберг зауытындағы оталдыру білтелерінің сапасын бақылау (1950 ж.). Алғаш рет 1902 жылы Bosch шығарған компанияның дәстүрлі өнімі 1945 жылдан кейінгі экономикалық өрлеу факторларының бірі болды.

Bosch Фейербах зауытында дизельдік отынды бүркуге арналған миллионыншы сорғының шығарылуын тойлап жатыр (1950 ж.). Дәл осы жерде бұл сәтті өнім алғаш рет 1927 жылы шығарыла бастады.

Оталдыру білтелері мен кастрөлдер - соғыстан кейінгі жылдарда аман қалу

Жұмысшыларды жалдау және оларға жалақы төлеу мүмкіндігіне ие болу үшін Bosch компаниясы зауыттың қирандыларында болат дулығалардан ас пісіретін кастрөлдер, қол арбалар мен қолшатырлар шығаруды бастады. Жұмысшылар бұл заттарды өздері пайдалана алатын немесе оларды басқа аса қажетті заттарға ауыстыра алатын. Алғашқы күрделі тауарлар одақтастардың әскери автомобильдеріне арналған оталдыру білтелері болды.

Мұнда 1949 жылы шығарыла бастаған жарық көрсеткіштері мүлдем жаңа өнім болды. Олар Bosch компаниясы 1927 жылы шығара бастаған автомобильдерге арналған бұрылыс көрсеткіштерінің орнын алды (1950 ж.).

Соғыс аяқталғаннан кейін Bosch компаниясы өзінің бұрынғы артықшылықтарына – ғылыми-зерттеу және тәжірибелік-конструкторлық жұмыстарға қайта бағыт алды, оның нәтижесі инновациялық өнімдерді жасау болды. 1948 жылы Bosch мамандары өздерінің зерттеулері үшін электронды микроскопты әзірлеуді бастады (1950 ж.).

Сапа әрқашан Bosch үшін басты критерий болған. Сондықтан, мысалы, гудоктрады өндіруде таңдаулы бақылау міндетті болған (1950 ж.).

Роберт Боштың өсиет алушысы және басқарма төрағасы

Роберт Бош 1942 жылы қайтыс болды. 1945 жылдан кейін оның мүлкінің өкімгерлері оның қалауы мен еркіне сәйкес компанияны қайта құрылымдады. Мұндағы мақсат пайда табу, сонымен қатар оның артығының бір бөлігін қайырымдылық мақсаттарға жіберу болды. Ханс Вальц компанияны 1963 жылға дейін оның негізін қалаушының мұрагері ретінде басқарды.

1942 жылы қайтыс болуынан төрт жыл бұрын жазған өсиетінде Роберт Бош компанияны одан әрі күшті дамытуға шақырды. Ол нақты қызмет бағытын белгілемеді, бірақ оның орнына суретте көрсетілген өсиет орындаушыларына компанияны басқаруға көмектесу үшін бағдарлар белгіледі (1954 ж.).

Ханс Вальц Роберт Боштың орнына компанияның басшысы болды (1953 ж.).

Монополияға қарсы істі қарау – барлығын жоғалту қаупі

Ұлтшыл-социалистердің бүкіл әлемде өз билігін таратуға деген ұмтылысы тек экономикалық ықпалы бар компаниялардың көмегімен жүзеге асырылуы мүмкін болды. Дәл осы себепті одақтастар ірі неміс корпорацияларын, соның ішінде Bosch-ті жоюға тырысты. Алайда, компания үйлесімді дамып жатты, бұл оның жеке бөліктері өздігінен өміршең емес болды деген сөз. Ақырында Bosch компаниясы іс жүзінде өзгеріссіз қалды, дегенмен ол барлық бәсекелестерге патенттерін ашуға мәжбүр болды.

1950 жылдары бизнесті қалпына келтіру үшін Bosch компаниясы автоспортқа жүгінді, оның иелігінде 1937 жылы жөндеу жұмыстары мен қосалқы бөлшектерді орнату үшін құрылған "жарыс қызметі" болған. Bosch техникасын ең қатал жағдайларда сәтті пайдалану - оның сенімділігі мен төзімділігі үшін жақсы жарнама.

Штутгарттағы Брайтшайдштрассе көшесіндегі Bosch штаб-пәтерінің терезелері түн сайын жанып тұратын (1951 ж.). Дәл осында Bosch басшылары және одақтастардың өкілдері монополияға қарсы істерді қарауда компанияның болашағы үшін күресетін.

Әлемнің әйгілі астаналарының көрікті жерлері көрсетілген стильденген глобустың суреті.

«Бүкіл әлем бойынша жасалған» — халықаралық нарыққа шығудың жаңа жолдары

Ұлтшыл-социалистер билікке келгенге дейін Bosch сатылымдарының 50% - дан астамы халықаралық нарыққа келетін. Бірақ 1945 жылдан кейін олар нөлге тең болды және компанияның халықаралық активтері тәркіленді. Бұрыннан келе жатқан серіктестермен, сондай-ақ Бразилия мен Үндістан сияқты елдердегі қарқынды дамып келе жатқан нарықтармен жақсы қарым-қатынастың арқасында халықаралық өкілдіктер желісі біртіндеп жолға қойылды. Дегенмен, Bosch халықаралық сатылымдарының үлесі 1960 жылы ғана 20%-дан асты.

1950 жылдары өндіріс әлі де көбінесе Германияда шоғырланған болатын. Бүкіл әлем бойынша тауарларды экспорттау үшін күрделі логистикалық жүйе қажет еді. Ол кезде жүктерді пакеттеуге арналған осындай конвейерлік жүйе ең озық технология болатын (1951 ж.).

1950 жылдары бойы Bosch бүкіл әлем бойынша өндірістер құруды бастады. Клейтондағы Bosch бөлімшесі Мельбурннан жақын жерде оталдыру жүйелері, шыны тазартқыштар жүйелері, гудоктар, генераторлар, стартерлер мен жарықтандыру жүйелері сияқты электр техникасымен австралиялық автомобиль өнеркәсібін жабдықтандырды (1960 ж.).

Штутгарт автопаркінің ішкі ауласындағы Bosch эксперименталды автомобилі бүкіл әлемде қолданылатын әртүрлі сансыз фаралар мен гудоктармен жабдықталған. Бұл қоғамдық жолдарда қозғалыс кезінде сынақтар жүргізу үшін жасалды (1954 ж.).

Жетілдірілген әсемдік — тұтынушылық тауарлар

1950 жылдардың басында, қиын кезеңдер артта қалған кезде, Bosch компаниясы Германия мен Еуропаның экономикалық ғажайыбының жарқын көрсеткіші болған өнімдерді нарыққа шығарды және сол арқылы тұтынушылардың сұранысын қанағаттандырды. Мұндай тауарлардың ішінде асүй құралдары мен үй шеберханаларына арналған электр бұрғысы болды. Ал автомобиль радио қабылдағыштары сияқты негізгі тауарлар миллиондап сатылды.

1950 жылдары шығарылған тауарлардың ішінде кір жуу машиналары болды - мысалы, 1958 жылғы жарнамалық кітапшаның суреттеріндегідей.

Bosch компаниясы өзінің алғашқы тоңазытқышын 1933 жылы шығарды, бірақ олар соғыстан кейін, жұмыс уақытын азайтуға мүмкіндік беретін жаппай өндіріс басталғанда ғана көпшілікке қол жетімді болды (1958 ж.).

Bosch асүй аспаптары

Штутгарттағы сауда орнында асүй комбайны сатылымдарының сценарийі (1963 ж.)

Асүйлердің «жаңа дәуірі»

Bosch асүй комбайнының екі ерекшелігі болатын. Бұл үлгінің атауы «Neuzeit» болған (нем.тілінде «жаңа уақыт») және ол «ауылда тұратын әйелдің көмекшісі» ретінде ұсынылды. Қалалық ортада тұратын клиенттерге үй жұмыстарын жеңілдететін озық технологиялардың жаңа дәуірі уәде етілді.

Ауылдық үй шаруашылықтары үшін бұл машинаның үлкен көлемдегі азық-түлікті өңдеу қаншалықты оңай болатындығы қызығушылық тудырды. Себептердің бірі – көп балалы ірі үй шаруашылықтарының басым болуы, екінші себеп – жемістер мен көкөністердің түсімін кейіннен пайдалануға сақтау үшін тез қайта өңдеу қажеттілігі болды, мысалы, тағамның бөліктерін мұздату немесе джем жасау және консервілеу арқылы.

«Neuzeit» асүй комбайны көп функциялы құрылғы болды, ол кесуге, қамыр илеуге, азық-түлікті ұсақтауға, баспалауға және тіпті картопты аршуға мүмкіндік берді.

Фото: Штутгарт сауда орнында асүй комбайны сатылып жатыр (1962 ж.)

Ескі сүйікті заттарды қайтару - автомобильдерге арналған отынды бүрку жүйелері

Gutbrod Superior Bosch бензинді бүрку жүйесімен жабдықталған алғашқы жеңіл автомобиль болды. Бұл жүйемен бензин шығыны карбюраторлармен салыстырғанда шамамен 20 пайызға азайып, өнімділік артады (1952 ж.)

Осы кезеңде көптеген Bosch тауарларында қолданылатын технология әлі де соғысқа дейінгі дәуірмен байланысты еді. Бәсекеге қабілетті болу үшін инновация қажет болды. Bosch авиациялық қозғалтқыштар үшін әзірлеген отынды бүрку жүйесі 1950 жылдардың басында автомобильдердегі инновация ретінде пайда болды, бірақ оны стандарт ретінде пайдалану үшін ондаған жылдар қажет болды.

Bosch Combi

Үй электр құрал-саймандары

«Өз қолыңмен жаса» хоббиінің қарқынды түрде таралуы Bosch компаниясына пайдалы болды. 1952 жылы шығарылған «Bosch Combi» электр құрал-сайманы таңдалған қондырмаға сәйкес әртүрлі тәсілдермен – бұрғы, бұрағыш, ажарлағыш машина немесе тіпті бақша қайшысы ретінде пайдалануға болатын. Бұл ұсыныс Еуропада мүлдем жаңа бизнес сегментін құрды, ол негізінен ер адамдарды қызықтырды - олар көбінесе жертөлелерде және гараждарда өз қолдарымен заттар жасайтын.

Стандартты керек-жарақтары бар толық жиынтық қабырғаға бекітуге арналған қорапта немесе ағаш жәшікте сатылды. Осылайша, Bosch компаниясы құрылыс индустриясына арналған кәсіби электр құрал-саймандарының түржинағын толықтыру үшін электр құрал-саймандарының екінші негізгі желісін әзірледі, оған сонымен қатар перфораторлар да кіретін.

Фото: Үйдегі шеберлерге арналған «Bosch Combi» көп функционалды құрылғысы - тасымалдауға ыңғайлы қорабымен (1952 ж.)

Электроника – болашағы зор бизнес бағыты

Bosch электронды компоненттерді 1950 жылдардың ортасында жасай бастады. Олардың біріншісі 1958 жылы Bosch шығара бастаған варакторлық диодтар болды. Содан кейін транзисторлар, ал одан соң 1970 жылдан бастап интегралдық сұлбалар шығарыла бастады. Күмәншілер тарапынан сынға ұшыраған, бірақ қолдаушылар ынта-жігерімен құшақ жая қарсы алған олар қазір Bosch үшін негізгі бизнес болып табылатын электроника саласына бірінші тұқымды септі.