1960-1989 жж.: бизнес пен электрониканың жаңа бағыттары

Штутгарттың маңындағы Шиллерхоэдегі Bosch-ң жаңа бас кеңсесі қала орталығындағы ескі орынжайлардың орнын алмастырды

1960-1980 жылдар аралығында Bosch компаниясы елеулі өзгертілуден өтті, ол оны өзін-өзі басқаратын бөлімшелері бар әртараптандырылған топқа, автомобиль электроникасы нарығында көшбасшыға айналған жаһандық компанияға айналдырды.

Әртүрлі бизнес-бөлімшелердің дамып жатқанын көрсететін стильденген құрылымның суреті.

Жаңа құрылым – бөлімшелердің қалыптасуы

1950-1960 жж. Bosch қызметкерлерінің саны 15 000 адамнан 70 000 адамға дейін өсті. Орташа кәсіпорынға ыңғайлы орталықтандырылған құрылым енді жеткіліксіз болды, сондықтан 1960 жылдары электр құрал-саймандарын өндіру бөлімінен бастап бизнес бағыттары біртіндеп тәуелсіз болды. Экономикалық өрлеу басталған және жұмыссыздық болмаған осы кезде, Bosch компаниясы басқа секторлардағы активтерді сатып алды, ал мыңдаған қызметкерлер автомобиль электроникасын өндіру үшін қайта оқытылды.

Ауыр құрылыс жұмыстарына арналған перфораторлар Лейнфельдендегі Bosch зауытында құрастырылады (1956 ж.).

Бұл кітапшаның мұқабасы сол кезде кір жуу әлі де әйелдердің құқығы болып саналғанын көрсетеді - балаларға көруге рұқсат етілетін (1963 ж.)

Гидравликадан қаптамаға дейін

Bosch үшін сол кездегі ең маңызды болған Батыс Еуропа нарығындағы автомобиль өнеркәсібінің қарқынды дамуына қарамастан, басқа секторларға әртараптандыру әлі де маңызды болды. 1950 жылдары жылжымалы гидравлика, медициналық электроника және радиотехника нарықтарына шыққаннан кейін, Bosch 1963 жылы буып-тию машиналарды өндіру компаниясын сатып алды және одан әрі сатып алулар арқылы өз қызметін кеңейтті, бұл буып-тию техникасы бөлімшесін құруға мүмкіндік жасады.

Буып-тию техникасы бөлімшесіне кріетін Hoefliger & Karg еншілес кәсіпорны осы машинаны әзірлеп шығарды, ол минутына кілегей мен кофеге арналған 1400 порциялық қаптаманы шығаруға қабілетті (1982 ж.).)

Ройтлингентегі зауытта автомобиль генераторларының реттегіштерін шығару (1964 ж.). Ройтлинген - 1964 жылы Bosch құрамына кірген Emil Gminder AG тоқыма өндіруші компаниясы орналасқан қала.

Блайхахтағы оталдыру шарғыларының өндірісі (1964 ж.). Осы аймақтағы тоқыма өнеркәсібі ыдырағаннан кейін Bosch компаниясы бұрынғы қызметкерлеріне жаңа мансаптық мүмкіндіктер ұсынды.

Негіз салушының мұрасы — фонд Robert Bosch Stiftung қоры

Шығыс Штутгарттағы белесте орналасқан Бош отбасының үйі қазір 1964 жылы құрылған Robert Bosch Stiftung қорының штаб-пәтері болып табылады.

Штутгарт маңындағы Шиллерхоэдегі Bosch жаңа бас кеңсесі 1970 жылы қала орталығындағы ескі үй-жайлардың орнын алды.

Bosch-ң зерттеулері мен әзірлемелерін білдіретін молекулалық құрылымдардың суреті.

Зерттеулер, әзірлемелер және сатып алулар — инновациялар күші

1968 жылы Bosch компаниясы өзінің ғылыми-зерттеу және тәжірибелік-конструкторлық ресурстарын жаңа зерттеу орталығына біріктірді. Бұл бірлескен күш-жігер Bosch компаниясы бәсекеге қабілеттілік беретін инновациялық өнімдерге кейінірек кіргізген идеяларды дамыту үшін қажет болды. 1960 жылдардың ортасынан бастап компанияның меншікті ғылыми-зерттеу институттары да интегралдық сұлбалар сияқты арнайы жобаларға назар аударды.

Компоненттерді суық камерада сынау Bosch техникасының ең қатал қыс жағдайларында пайдалануға жарамдылығын қамтамасыз етуге арналған зерттеулер мен әзірлемелердің бөлігі болып табылады (1959 ж.).

1960 жылдардың ортасынан бастап электронды басқару блогына арналған осы тақша сияқты жартылай өткізгіш компоненттері Bosch жанама өнімдерінен сатылымдар көшбасшыларына айналды (шамамен 1965 ж.).

Электрмобильдерге арналған күштік электрониканың сынағы (1967 ж.). Сол кезде электрмобильдерге арналған электроника әлі де жүксалғыш кеңістігінің көп бөлігін алатын.

Швибердингендегі Bosch компаниясының IBM 370 15-үлгісі жүйелік блогының сыйымдылығы 100 килобайт және 150 л тоңазытқыш агент пайдаланылатын сумен салқындату жүйесі болды (1970).

Jetronic

Орнына электроника келеді

1959 жылы Bosch компаниясы электронды басқарылатын бензинді бүрку жүйесін әзірлеуді бастады. 1967 жылы іске қосылған Jetronic жүйесі әлемдегі алғашқы сериялық қысымы реттелетін бензинді бүрку электронды жүйесі болды. Ол алғаш рет американдық Volkswagen 1600 LE және TLE үлгілерінде ұсынылды. Jetronic арқасында VW 1600 LE үлгісі АҚШ барлық аумағындағы ең қатал, калифорниялық экологиялық стандарттарға сәйкес бола алды. Калифорния штаты.

Фото: Штутгарт маңындағы Швибердинген техникалық орталығындағы радиоэлектроника зертханасындағы Jetronic бензинді бүрку жүйесінің электронды басқару блогының тақшасы (1970 ж.)

Жартылай өткізгіштер және компьютерленген автомобиль - Bosch электроникасы

Зерттеушілер мен менеджерлердің электрониканы компания өнімдерінің негізгі сегментіне айналдыруға бағытталған жұмысы 1970 жылдары өз жемісін бере бастады және бұл бастапқыда зерттелмеген аумақ осы күнге дейін бүкіл компанияға табыс әкелуде. Мұның жарқын мысалы – 1978 жылы іске қосылған ABS бұғатталуға қарсы тежеу жүйесі болып табылады. Оның арқасында Bosch компаниясы сандық электроникадағы тәжірибесін пайдалана отырып, автомобиль құрастыру саласында жетекші орынға ие болды.

Bosch ABS инженерлік командасы Швецияның солтүстігіндегі қатқан көлде бұғатталуға қарсы тежеу жүйесінің мүмкіндіктерін тексеріп жатыр (1974 ж.).

Motronic электронды басқару жүйесі бар бензин қозғалтқышындағы жану камерасының көлденең қимасы. Жаңа жүйе электронды оталдыруды бүркумен біріктіреді, бұл қозғалтқыш жұмысын оңтайландыруға мүмкіндік жасайды.

Жаһандық ойлау – АҚШ пен Азиядағы жаңа бастама

Әлемдегі ең ірі экономикасы бар Америка Құрама Штаттарында Bosch компаниясы тек 1983 жылы өз брендін пайдалануға толық құқықты қайтара алды. Бұл компанияға сатылымдардағы бұрынғы табысын қалпына келтіруге мүмкіндік берді. Азияда Bosch компаниясы өзінің қатысуын ерекше түрде белгіледі. Малайзия сияқты елдерде фото және бейне жабдықтар сияқты жоғары сапалы тауарларды шығару үнемдірек болды. Компания сонымен қатар Жапония сияқты негізгі нарықтарда бірлескен кәсіпорындар құрды. Bosch бұл жерде 1973 жылы отынды бүрку электронды жүйелерін және 1984 жылы бұғатталуға қарсы тежеу жүйелерін (ABS) шығара бастады.

Үндістан, Насиктегі Bosch бөлімшесінде қызметкерлерге нұсқамалық беру (1973 ж.). 1970 жылдардың басынан Bosch мұнда дизельдік отынды бүрку жүйелерін шығарады.

Лямбда-зондтар

Сезімтал сүңгіштер

1969 жылы Bosch мамандары пайдаланылған газдардағы оттегінің мөлшерін өлшеуге арналған бергішті әзірлеуге кірісті, ол сынақ кезеңіндегі барлық қиындықтарды жеңе отырып, онжылдықтың ішінде танылды. Қазіргі уақытта 1976 жылы өндіріске енген лямбда зондсыз экологиялық таза ішкі жану қозғалтқышын елестету мүмкін емес. Бұл Bosch инновациясы үш компоненттік каталитикалық бейтараптандырғыштардың көмегімен пайдаланылған газдарды өңдеу технологиясына жол ашты. Ламбда зонды газ каталитикалық бейтараптандырғышқа түсер алдында пайдаланылған газдардағы оттегінің мөлшерін өлшейді. Зондтан алынған деректер бүркуді басқарудың электрондық блогына қозғалтқыштың жұмыс режиміне байланысты ауа-отын қоспасының құрамын өзгертуге мүмкіндік береді. Жүйе жұмысының дәлдігі жанудың максималды тиімділігін және пайдаланылған газдарды каталитикалық бейтараптандырғыш арқылы тазартуды қамтамасыз етеді. Ол зиянды шығарындыларды 90%-ға азайта алады.

Телекоммуникациялар – қызметтің жаңа бағыты

1980 жылдардың басында Bosch компаниясы телекоммуникациялық жабдықтар нарығына шығып, ғарыштық спутниктерге және ұялы телефондарға арналған технологияларды әзірлеуді, сондай-ақ мемлекеттік және жеке телекоммуникация желілерін енгізуді бастады. Компания сатылымдарының 25% қамтамасыз ететін осы саладағы табысты жиырма жылдық жұмыстан соң қолайсыз факторлар Bosch компаниясын бірнеше сегменттердегі қызметтен бас тартуға итермеледі. «Қауіпсіздік жүйелері» бөлімі жұмысын жалғастырды және бүгінгі күнге дейін табысты болып келеді.